ರಾಜ್ಕುಮಾರೇ ಗ್ರೇಟು

ಡಾ.ರಾಜ್ಕುಮಾರ್ ಅವರ ಅಮೋಘ ಅಭಿನಯದ ಚಿತ್ರ ಅಂದಕೂಡಲೇ ತಕ್ಷಣ ನೆನಪಾಗುವುದು ‘ಕಸ್ತೂರಿನಿವಾಸ’. ಆ ಸಿನಿಮಾದ ‘ಆಡಿಸಿ ನೋಡು ಬೀಳಿಸಿ ನೋಡು ಉರುಳಿ ಹೋಗದು’, ‘ನೀ ಬಂದು ನಿಂತಾಗ, ನಿಂತು ನೀ ನಕ್ಕಾಗ’ ಗೀತೆಗಳಿಗೆ ಮನಸೋಲದವರಿಲ್ಲ. ‘ಕಸ್ತೂರಿ ನಿವಾಸ’ದಲ್ಲಿ ರಾಜ್ಕುಮಾರ್ ಅವರ ಅನುಪಮ ಅಭಿನಯ ಕಂಡು ದೇಶಕ್ಕೆ ದೇಶವೇ ಅಭಿಮಾನದಿಂದ ‘ಹ್ಯಾಟ್ಸಾಫ್’ ಹೇಳಿತ್ತು. ಸ್ವಾರಸ್ಯವೆಂದರೆ, ಅದು ರಾಜ್ಕುಮಾರ್ಗೆಂದು ತಯಾರಾಗಿದ್ದ ಕಥೆ ಖಂಡಿತ ಆಗಿರಲಿಲ್ಲ!
ಆ ಕುರಿತ ವಿವರಣೆ ಸ್ವಾರಸ್ಯಕರವಾಗಿದೆ. ಕನ್ನಡದಲ್ಲಿ ಡಾ. ರಾಜ್ ಖ್ಯಾತಿಯ ಉತ್ತುಂಗದಲ್ಲಿದ್ದರಲ್ಲ,ಅದೇ ಸಂದರ್ಭದಲ್ಲಿ ತಮಿಳಿನಲ್ಲಿ ಶಿವಾಜಿಗಣೇಶನ್ ಕೂಡಾ ಸೂಪರ್ಸ್ಟಾರ್ ಅನ್ನಿಸಿಕೊಂಡಿದ್ದರು. ಅವರನ್ನೇ ಗಮನದಲ್ಲಿಟ್ಟುಕೊಂಡು ಒಂದು ಕಥೆ ಸಿದ್ಧಪಡಿಸಿದ್ದಾಯಿತು. ಇನ್ನೇನು ಶೂಟಿಂಗ್ ಆರಂಭಿಸಬೇಕು, ಆ ವೇಳೆಗೆ ಯಾಕೋ ಶಿವಾಜಿಗಣೇಶನ್ ಮನಸ್ಸು ಬದಲಿಸಿದರು. ನನ್ನ ಇಮೇಜ್ಗೆ ಆ ಕಥೆ ಹೊಂದುವುದಿಲ್ಲ. ಅದನ್ನು ಡ್ರಾಪ್ ಮಾಡೋಣ ಅಂದೇಬಿಟ್ಟರು.
ಅದೇ ಸಮಯದಲ್ಲಿ ರಾಜ್ ಅಭಿನಯದ ಹೊಸ ಚಿತ್ರಕ್ಕೆ ಕಥೆ ಹುಡುಕುತ್ತಿದ್ದ ದೊರೆ-ಭಗವಾನ್ ಜೋಡಿಗೆ ವಿಷಯ ಗೊತ್ತಾಯಿತು. ಅವರು ತಕ್ಷಣವೇ ಶಿವಾಜಿಯವರನ್ನು ಸಂಪರ್ಕಿಸಿ, ಆ ಕಥೆಯನ್ನು ಕನ್ನಡದಲ್ಲಿ, ರಾಜ್ಕುಮಾರ್ ಅಭಿನಯದಲ್ಲಿ ತಯಾರಿಸುವುದಾಗಿ ಹೇಳಿ, ಒಪ್ಪಿಗೆ ಪಡೆದರು. ಹಾಗೆ ತಯಾರಾದದ್ದೇ ಕಸ್ತೂರಿನಿವಾಸ!
ಆ ಚಿತ್ರದಲ್ಲಿ ರಾಜ್ಕುಮಾರ್ರ ಅಭಿನಯವನ್ನು ದೇಶಕ್ಕೆ ದೇಶವೇ ಹಾಡಿ ಹೊಗಳಿತಲ್ಲ, ಆಗ ಖುಷಿಯಿಂದ ಚಪ್ಪಾಳೆ ಹೊಡೆದವರ ಪೈಕಿ ಶಿವಾಜಿ ಕೂಡ ಇದ್ದರು. ಮುಂದೆ ತಮ್ಮ ಅಭಿನಯದ ೧೦೦ನೇ ಸಿನಿಮಾ ಯಾವುದಾಗಬೇಕು ಎಂಬ ವಿಷಯವಾಗಿ ಚರ್ಚೆ ಶುರುವಾದಾಗ ಶಿವಾಜಿಗಣೇಶನ್ ಹೇಳಿದರಂತೆ: ‘ಕಸ್ತೂರಿನಿವಾಸ’ವನ್ನೇ ತಮಿಳಿನಲ್ಲಿ ತಯಾರಿಸೋಣ. ಆದರೆ ಒಂದು ಮಾತು: ಆ ಪಾತ್ರದಲ್ಲಿ ರಾಜ್ಕುಮಾರ್ರನ್ನು ಮೀರಿ ನಟಿಸಲು ನನ್ನಿಂದ ಸಾಧ್ಯವೇ ಇಲ್ಲ. ಸುಮ್ಮನೇ ಅವರನ್ನೇ ಕಾಪಿ ಮಾಡಿಬಿಡ್ತೀನಿ. ಅದೊಂದೇ ನನಗೆ ಉಳಿದಿರುವ ದಾರಿ…
-ಮಣೀ

Advertisements

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: