ಅವರ ಜಾಗ ಯಾವುದೂಂತ ತೋರಿಸ್ತಾ ಇದೀನಿ!

ಅಮೆರಿಕದಲ್ಲಿ ಅದೊಮ್ಮೆ ಸ್ವಾಮಿ ವಿವೇಕಾನಂದರ ಭಾಷಣ ಏರ್ಪಾಡಾಗಿತ್ತು. ಭಾಷಣ ಕೇಳಲು ವಿದೇಶಿಯರು ಮಾತ್ರವಲ್ಲ, ಅಮೆರಿಕದಲ್ಲಿದ್ದ ಭಾರತೀಯರೂ ಹೋಗಿದ್ದರು. ವಿವೇಕಾನಂದರು ತಮ್ಮ ಭಾಷಣದ ಮಧ್ಯೆ ಸ್ವದೇಶಿ ವಸ್ತುಗಳನ್ನು ಬಳಸಿ, ವಿದೇಶಿ ವಸ್ತುಗಳನ್ನು ತಿರಸ್ಕರಿಸಿ ಎಂದು ಒತ್ತಿ ಒತ್ತಿ ಹೇಳುತ್ತಿದ್ದರು. ಆ ಸಂದರ್ಭದಲ್ಲಿ ಅವರು ಸ್ವದೇಶಿ ನಿಲುವಂಗಿಯನ್ನೇ ಧರಿಸಿದ್ದರು ನಿಜ. ಆದರೆ, ಅವರ ಪಾದರಕ್ಷೆಗಳು ಮಾತ್ರ ವಿದೇಶದಲ್ಲಿ ತಯಾರಾಗಿದ್ದವು ಎಂಬುದು ಅಲ್ಲಿದ್ದ ಎಲ್ಲರಿಗೂ ಮೊದಲ ನೋಟಕ್ಕೇ ಅರ್ಥವಾಯಿತು. ಆ ಕಡೆಗೆ ಗಮನ ಕೊಡದವರಂತೆ ಭಾಷಣ ಮುಂದುವರಿಸಿದ ವಿವೇಕಾನಂದರು ಅಮೆರಿಕದಲ್ಲಿರುವ ಭಾರತೀಯರಾದ ನೀವೆಲ್ಲರೂ ಮುಂದೆ `ಸ್ವದೇಶಿ ವಸ್ತುಗಳನ್ನೇ ಉಪಯೋಗಿಸಿ. ಆ ಮೂಲಕ ವಿದೇಶಿಯರನ್ನು ವಸ್ತ್ರದ ವಿಷಯದಲ್ಲಾದರೂ ದೂರವಿಡಿ’ ಎಂದರು.

ತಕ್ಷಣವೇ ಬಾಯಿ ಹಾಕಿದ ಅಮೆರಿಕನ್ ಹೆಂಗಸೊಬ್ಬಳು ವ್ಯಂಗ್ಯವಾಗಿ- `ನೀವು ಸ್ವದೇಶಿ ವಸ್ತ್ರಗಳನ್ನೇ ಧರಿಸಬೇಕೆಂದು ಆಗಿಂದಲೂ ಹೇಳುತ್ತಲೇ ಇದ್ದೀರಿ. ಸರಿ. ನಿಮ್ಮ ವಾದವನ್ನು ಒಪ್ಪೋಣ. ಆದರೆ, ನೀವೇಕೆ ಇಂಗ್ಲೆಂಡಿನಲ್ಲಿ ತಯಾರಾದ ಚಪ್ಪಲಿಗಳನ್ನು ಹಾಕಿಕೊಂಡಿದ್ದೀರಿ?’ ಎಂದು ಕೇಳಿಬಿಟ್ಟಳು.
ವಿವೇಕಾನಂದರು ಕೂಡಲೇ- `ನಮ್ಮ ದೇಶದಲ್ಲಿ ಬ್ರಿಟಿಷರಿಗೆ ಯಾವ ಸ್ಥಾನವಿದೆ ಎಂಬುದನ್ನು ತೋರಿಸಲು ಹಾಗೆ ಮಾಡಿದ್ದೇನೆ’ ಅಂದರಂತೆ!