ದುಂಡಗಿರುವುದು ನಡುವಲ್ಲ!

`ಸರ್ವಮಂಗಳ’ ಕಾದಂಬರಿ ಮೂಲಕ ರಾತ್ರೋರಾತ್ರಿ ಪ್ರಸಿದ್ಧರಾದವರು ಚದುರಂಗ. ಆ ಕಾದಂಬರಿ ತಮಗೆ ತಂದುಕೊಟ್ಟ ಜನಪ್ರಿಯತೆಯ ಬಗ್ಗೆ ಹೇಳುತ್ತ ` ಐ ಡಿಟhಛಿ m ಟ್ಞಛಿ ಜ್ಞಿಛಿ ಞಟ್ಟ್ಞಜ್ಞಿಜ Zb ಟ್ಠ್ಞb ಞqs oಛ್ಝ್ಛಿ Zಞಟ್ಠo’ (ರಾತ್ರಿ, ಕಳೆದು ಬೆಳಗಾಗುವುದರೊಂಗೆ ನಾನು ಹೆಸರಾಂತ ವ್ಯಕ್ತಿ ಆಗಿಬಿಟ್ಟಿದ್ದೆ) ಎಂದು ಉದ್ಗರಿಸಿದ್ದರು.
ಒಂದು ಸ್ವಾರಸ್ಯವೆಂದರೆ, ಚದುರಂಗ, ಕಾದಂಬರಿಕಾರರೆಂದು ಹೆಸರು ಮಾಡಿದ್ದು ನಿಜ. ಆದರೆ ಅವರು ತಮ್ಮ ಸಾಹಿತ್ಯ ಕೃಷಿ ಆರಂಭಿಸಿದ್ದು ಕವಿತೆ ಬರೆಯುವ ಮೂಲಕ. ವಿದ್ಯಾರ್ಥಿ ದಿಸೆಯಲ್ಲಿ, ಆಗಿನ ವಯೋಧರ್ಮಕ್ಕೆ ಅನುಗುಣವಾಗಿ ಒಂದು ಪ್ರೇಮಗೀತೆ ಬರೆದರು ಚದುರಂಗ. ಅದು ಬೆಡಗಿಯೊಬ್ಬಳನ್ನು ವರ್ಣಿಸುವಂಥ ಕವನ ಎಂದು ಬಿಡಿಸಿ ಹೇಳಬೇಕಿಲ್ಲ ತಾನೆ?
ಹೀಗೆ ಬರೆದ ಪದ್ಯವನ್ನು ಯಾರಾದರೂ ಹಿರಿಯರಿಗೆ ತೋರಿಸಿ ಅವರ ಅಭಿಪ್ರಾಯ ಕೇಳಬೇಕೆಂಬ ಆಸೆಯಾಯಿತು ಚದುರಂಗರಿಗೆ. ಆಗ ತಕ್ಷಣ ನೆನಪಾದವರು `ನಾಯಿಮರಿ ನಾಯಿಮರಿ ತಿಂಡಿಬೇಕೆ’ ಖ್ಯಾತಿಯ ಜಿ.ಪಿ. ರಾಜರತ್ನಂ. ಇವರು ಸಡಗರದಂದಲೇ ಹೋಗಿ ಎದುರು ನಿಂತರು. ತಾವು ಬಂದ ಕಾರಣ ವಿವರಿಸಿ, ಸಂಕೋಚದಿಂದಲೇ ಆ ಪದ್ಯವನ್ನು ರಾಜರತ್ನಂ ಕೈಗಿಟ್ಟರು.
ಆ ಪದ್ಯದಲ್ಲಿ ಹುಡುಗಿಯನ್ನು ವರ್ಣಿಸುತ್ತ `ಬಟ್ಟ ನಡುವಿನ ಬಾಲೆ’ ಎಂದು ಬರೆದಿದ್ದರಂತೆ ಚದುರಂಗ. ಅದನ್ನೇ ಎರಡೆರಡು ಬಾರಿ ಓದಿ ಜೋರಾಗಿ ನಕ್ಕ ರಾಜರತ್ನಂ- `ನಿಮಗೆ ಅನುಭವ ಸಾಲದು. ಅದಕ್ಕೇ ಹೀಗೆ ಬರೆದಿದ್ದೀರಿ’ ಅಂದರಂತೆ. ಮುಂದುವರಿದು- `ಬಟ್ಟ ಎಂದರೆ ದುಂಡಗೆ, ಗುಂಡುಗುಂಡಾಗಿ ಇರುವುದು ಎಂದರ್ಥ. ಬಾಲೆಯ ದೇಹದಲ್ಲಿ ದುಂಡಾಗಿರುವುದು ನಡುವಂತೂ ಅಲ್ಲ. ಒಂದೆರಡು ವರ್ಷ ಕಳೆಯಲಿ. ನನ್ನ ಮಾತಿನ ಅರ್ಥ ಏನೆಂಬುದು ನಿಮಗೇ ಗೊತ್ತಾಗುತ್ತದೆ!’ ಎಂದರಂತೆ.
***
ಸ್ವಲ್ಪ ಅಶ್ಲೀಲ ಎಂಬಂಥ ಸಂಗತಿಯನ್ನು ಇದಕ್ಕಿಂತ ಸರಳವಾಗಿ ಮತ್ತು ಸಹಜವಾಗಿ ಹೇಳಲು ಸಾಧ್ಯವೇ?

Advertisements

2 Comments »


RSS Feed for this entry

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: